Aus Aktivmitglied darf me aus Ehredame a verschidene Ahläss teilnäh. Me isch nid verpflichtet are bestimmte Ahzahl Ahläss teilznäh, schliesslich hoffe miir, das üsi Aktivmitglieder im Verein sii wüu ihne die Ufgab als Ehredame Spass macht. Uf dr andere Site chöi mir üsne Mitglieder nid verspräche, das alli immer e Ihsatz aus Ehredame chöi ha.

Üsi Ehredame müesse nid zwingend e eigeti Tracht ha. Mir schaffe sehr eng zäme mit dr Trachtebörse Wittwer in Suberg u hei e Lösig gfunde, das üsi Mitglieder e Tracht dörfe miete und die zahlti Mieti am Choufpriis ahgrächnet werde. Wär e eigeti Tracht het muess die no bir Trachtebörse lah abnäh u zwar usem Grund, das es üs wichtig isch, dass üsi Ehredame e korrekti Tracht träge und mir so es einheitlichs Bild chöi dargäh.

Dr Mitgliederbiitrag betreit CHF 10.00 pro Jahr.

Funktionär

Wär z'Alter vo 35-jährig erreicht het und nüm aktiv als Ehredame cha mitmache, geit id Kategorie vom Funktionär über. Funktionäre si drfür bestimmt d 'Oberehredame' amne Ahlass z unterstütze oder z vrträte.

Dr Mitgliederbiitrag betreit CHF 10.00 pro Jahr. Ab zwei Ihsätz pro Jahr isch me biitragsbefreit.